香港青年協會 青年空間
撈IDEAS 青年共創企劃
活動詳情
喂！「撈IDEAS」青年共創企劃係一個唔怕我哋錢唔夠，只怕你真係「NO IDEAS」嘅青年共創企劃。召喚14-24歲嘅青年朋友仔！
如果你都好希望實踐一啲有創意、有諗法、又想玩嘅活動！It’s time to 火速計劃啦！
IDEAS UPLOAD地點︰
https://forms.office.com/r/0EK3asjK1q
關於「撈IDEAS」
只要你有以下其中一個諗法想同我哋「撈埋」，就快啲同我哋提出啦！
- 諗諗計幫青年空間吸引更多朋友仔
- 約埋班Friends再撈埋更多Friends一齊實現願望嘅歷程
- 對社區有諗法，想搵埋我哋一齊推動
- 撈埋科技、文化藝術、運動及健康生活，仲有大啲機會實現企劃添
企劃內容
- 企劃內容可以係服務、活動、物資設備上嘅Ideas
- 重點想凝聚更多更多10–24歲嘅青年朋友
- 由你自定企劃參加者/用家人數
- 由你自定企劃Budget (範圍︰HKD$1000至$10,000)
- 仲可以參考埋線上/線下“Wishing Pool”
係公開招募Ideas階段，21C青年空間會係︰
- 線上平台︰Instagram不定期出問答Story，
- 線下平台︰設立“Wishing Pool”留言版
(*俾各位朋友仔寫低想係青年空間實現嘅願望，參加者仲可以參考呢啲Ideas，將佢哋變身成為企劃內容添)
申請資格
- 參加者年齡一定一定要係14–24歲青年哦 (Birth Date介乎1/1/2000 – 31/12/2010期間)
- 組合人數無限制~
- 同一個人仲無限組隊次數添
- 如果有唔同隊伍但相似嘅部署可能會被邀請一齊合作完成企劃哦
入圍企劃仲可以按需要搵嗰方面嘅Professional幫幫手
企劃實現方式
第1步︰填妥簡易表格同埋Upload企劃文宣Link，企劃宣傳品可以揀圖片/影片形式呈現
第2步︰青年空間Upload企劃之後，就會自動進入線上線下投票階段 (只要你嘅Ideas夠Firm，最多人撐，就可以願望成真啦！)
第3步︰同埋青年空間同事一齊實現企劃
*P.S.︰每間21C青年空間最多可以實現2個企劃哦
企劃日程
| 日期 | 日程內容 |
| 即日至10月14日 | 開放線上/線下“Wishing Pool”予青少年留言 |
| 2024年10月14日 23:59 | 截止遞交企劃書 |
| 2024年10月21日 | 青年空間會以IG Post發佈合資格企劃，進入評選階段。 |
| 2024年10月21日至10月26日 | 線下實名投票 |
| 2024年10月26日 | 線上投票日 |
| 2024年10月31日 | 線上及線下公佈最多人撐的兩個企劃 |
| 2024年11月1日至2月28日 | 執行企劃 |
企劃條款及細則
- 嗱~交得報名表就預咗要守規矩㗎啦，會遵守「撈IDEAS」安排。如有違反，你就會被取消資格
- 無論比賽結果點，大家都要尊重哦
- 遞交嘅資料要正確，如果唔係我哋有權取消參賽資格，並追討可能嘅損失
- 玩比賽要守法，千企唔好做破壞香港法律嘅事啊
- 如果你係被選中嘅隊伍，就要好好完成你哋嘅計劃啦。如果要改計劃，記得提前通知同埋得到我哋嘅同意啊
- 比賽創作嘅內容，包括文字、照片同影片等等，版權都屬於我哋，我哋可能會用喺宣傳活動上面，大家多多支持哦
- 你嘅企劃內容超重要，記得保密，未經同意唔好外傳
- 條款以「撈IDEAS」大會公佈內容為準，如果有唔明，主辦單位會提供最終解釋~
如果有問題，歡迎致電 2774 5300 搵我地啦！